Mae’r ffilm yn dilyn Elizabeth Fernandez Navarta – actor sydd ‘nawr yn byw yng Nghaerdydd ac yn ymddangos ar Pobol y Cwm – wrth iddi ddychwelyd adref I’r Ariannin yn ystod cyfnod dathlu sefydlu’r Wladfa.

Dychwel Elizabeth fel ‘seleb’, ond cyn pen dim fe elwir arni i fod yn llysgennad dros y gymuned Gymraeg.

Mae Elizabeth yn ymladd gyda’r hunaniath hon wrth iddi deithio o ddiffeithwch dywreiniol yr Ariannin i’r tiroedd ffrwythlon Cwm Hyfryd ar lethrau’r Andes.

Caiff ei dilyn gan arloeswraig o’r oes a fu mewn ffrog binc a bonet glas. Pwy yw’r fenyw a beth y mae hi’n ei gynrychioli? Ai dyma isymwybod Elizabeth yn ei thormentio ac yn galw arni i ddychwelyd adref?

Cynhyrchiad Joio ar gyfer S4C mewn cydweithrediad â Theatr Genedlaethol Cymru a National Theatre Wales gyda chefnogaeth Wales Arts International, Cyngor y Celfyddydau a Llywodraeth Cymru.